रामधुनी । स्थानीय तहको निर्वाचन मिति नजिकिँदै गर्दा ओखलढुंगा जिल्लाको खिजीदेम्बा गाउँपालिकामा नेकपा एमालेले गाउँपालिका अध्यक्ष सहित ११ जनाको नाम टुंगो लगाएको छ ।
यसअघि नेपाली कांग्रेसले गाउँपालिका अध्यक्ष सहित ५ वटा वडा जितेको गाउँपालिकामा यस पटक भने एमालेले गाउँपालिका सहित सबै वडा जित्ने उद्देश्यका साथ ११ जनाको नाम टुंगो लगाएको होे ।
गाउँपालिका अध्यक्ष राम बहादुर खत्री र उपाध्क्षमा कमला सुनुवारलाई दिने निणर्य गरेको छ । भने वडाहरुमा क्रमश टिका श्रेष्ठ, अखम तामाङ्ग, नरेन्द्र सुनुवार, पुर्ण तामाङ्ग, सुदर्षन सुनुवार, छत्र तामाङ्ग, बलिराज गुरुङ्ग, तिलक गुरुङ्ग, पेमारिन्जी शेर्पा लाई वडाअध्यक्षको उम्मेदवार दिने निर्णय गरेको नेकपा एमाले ओखलढुंगाका प्रभावशाली युवा नेता सन्तोष खड्काले जानकारी दिए ।
खड्काले अव हुने निर्वाचनका उम्मेदवारहरुले यसअघि गाउँपालिकाको विकाशका निम्ती महत्वपुर्ण भुमिका निर्वाह गरेकाले यस पालिको निर्वाचनमा सिंगो गाउँपालिकानै नेकपा एमालले जित्ने पक्का भएको बताए ।
