रामधुनी । गर्मीको मौसममा चुकन्दर खानाले थुप्रै फाइदा मिल्छ । गर्मी मौसममा देखा पर्ने छालासम्बन्धी समस्यालाई टाढा राख्नुका साथै छालालाई कोमल बनाउन समेत चुकन्दरले फाइदा गर्दछ । मानिसको शरीरमा हेमोग्लोबिनको कमी छ भने पनि यसको सेवनले फाइदा पुर्याउँछ ।
यसमा उच्च पौष्टिक तत्व र पानी प्रशस्तै हुने गर्दछ । यसमा फ्याटको लेभल भने शून्य हुने भएकोले यसलाई गर्मीको सुपरफुड पनि भन्ने गरिन्छ ।
रगतमा हेमोग्लोबिनको मात्रा कम छ भने डाक्टरले पनि खानामा चुकन्दर सेवन गर्ने सल्लाह दिने गर्दछन् । चुकन्दरमा भिटामिन र मिनरल पाइन्छ, जुन हाम्रो शरीरको लागि आवश्यक पर्दछ । यसमा पोटासियम र फोलेटको मात्रा समेत रहेको छ । यसमा पाइने नाइट्रेट हाम्रो स्वास्थ्यको लागि फाइदाजनक मानिन्छ ।
चुकन्दरको जुस नियमित रूपमा सेवन गर्नाले कार्डियोभास्कुलर रोगहरू वा मुटुसँग जोडिएका रोगहरूको खतरा कम हुने गर्दछ । यसमा नाइट्रेट हुन्छ । र नाइट्रेट पछि नाइट्रेट अक्साइडमा परिवर्तन भएपछि रक्त प्रवाहलाई नियमित गर्न मद्दत गर्ने गर्दछ । जसले उच्च रक्तचापलाई कम गर्न मद्दत गर्छ भने हृदयघात र स्ट्रोकको खतरा पनि कम गर्ने गर्दछ ।
चुकन्दरमा पाइने नाइट्रेटले रक्तसञ्चारलाई सहयोग गर्नुका साथै मस्तिष्कलाई फ्रेस गर्न मद्दत गर्दछ । यसमा पाइने भरपुर मात्राको आइरनले एनिमिया र डिमेन्सियाको जोखिम कम गर्ने गर्दछ ।
त्यस्तै चुकन्दरमा पाइने एन्टीअक्सिडेन्टले शरीरमा अस्थिर कोषहरूलाई खोजेर नष्ट गर्ने काम गर्दछ। केही अनुसन्धानले चुकन्दरको एन्टीअक्सिडेन्ट, एन्टी इन्फ्लामेटरी प्रोपर्टी र न्युट्रिसनल कन्टेन्टले क्यान्सरको उपचारमा मद्दत गर्ने गर्दछ ।
चुकन्दरको जुस सेवन गर्नाले कलेजो र पेट सफा गर्ने गर्छ । यसले डिटक्सीफायरको काम गर्नुका साथै यसमा हुने एन्टीअक्सिडेन्टले कलेजोमा हुने विकारहरूलाई बाहिर निकालने काम गर्छ र कलेजोलाई नियमित रूपमा काम गर्न मद्दत गर्दछ । यसले कब्जियत भएका बेला पनि राहत पुर्याएर पाचन प्रक्रियामा सुधार ल्याउने गर्छ ।
चुकन्दरले शरीरमा रक्तचाप र अक्सिजनको स्तर बढाउनुका साथै यसको जुसले सक्रिय र उर्जावान महशुस गराउँछ । यसैले यसलाई प्रि(वर्कआउट ड्रिंक पनि मानिन्छ । यसले मांशपेशीमा हुने दबाब भन्दा पहिले अक्सिजनको प्रवाह गर्न मद्दत गर्दछ ।
चुकन्दरमा पोषण तत्व अत्याधिक हुन्छ भने कुनै प्रकारको क्यालोरी भने हुँदैन । त्यसैले मानिसलाई शरीरको तौल सन्तुलन गर्न पनि यसले मद्दत गर्छ । शरीरमा हुने क्यालोरीको अतिरिक्त मात्रा नबढ्ने भएकोले मानिसको तौल सन्तुलन राख्न मद्दत गर्दछ ।
