रामधुनी । नेपाली काँग्रेसको आसन्न १४ औँ महाधिवेशनले सुनसरीमा पनि चुनावी सरगर्मी बढाएको छ । वडा अधिवेशन सकिए लागतै नगरको नेतृत्व चयनमा जुटेका काँग्रेसीहरू आफ्नो गुट भित्रको अङ्क गणितमा जुटेका छन् । अहिले सुनसरीको दुई उपमहानगर सहित नगरहरूमा आ आफ्नो टिम तयारी गरेर चुनावी मैदानमा होमिएका छन् ।
नेतृत्वका लागि धेरै आकाक्षीहरू उम्मेदवारी घोषणा सँगै आन्तरिक प्रतिष्प्रर्धामा उत्रिएका छन् । आगामी असोज ९ गते हुने नगर अधिवेशनका लागि क्षेत्रीय प्रतिनिधिले मात्र मतदान गर्न पाउने भए पछि नगरको चुनाव समेत अघिल्लो वर्षहरू भन्दा थप रोचक हुन पुगेको हो ।
सही क्रममा सुनसरीको रामधुनी नगर सभापतिमा उदयमान युवा नेता सुदिप अधिकारी सहित नगर सचिव दिल बहादुर राई र झुम्का उद्योग वाणिज्य सङ्घका निवर्तमान अध्यक्ष सगेन चौधरी रहेका छन् ।
तिन मध्य सुदीप अधिकारीले अबको नगर सभापति नमुना काँग्रेस बनाउन सक्ने उम्मेदवार आबश्य परेको र उक्त ब्यक्ति आफू मात्र भएको दाबी गरेका छन् । अधिकारी नगर सभापतिमा निर्वाचित हुनेमा विश्वास सहित कार्यकर्ता माझ भेटघाटमा व्यस्त छन् ।
सुनसरीमा काँग्रेस बलियो भए पनि रामधुनीमा सबैले सोचे अनुरूप नभएले आफू नगरमा काँग्रेसलाई कमजोर हुन नदिने बाचा सहित उनले उम्मेदवारी घोषणा गरेका हुन् ।
काँग्रेसको उर्वर भूमि मानिएको रामधुनीमा भने लामो समय कम्युनिस्टको कब्जामा रहेको र आफ्नो नगर सभापतिको नेतृत्व पाए पछि २०७४ सालको निर्वाचनमा नगरमा नगर प्रमुख मेयर सहित १६ जना जनप्रतिनिधि जिताउन सफल भएको अधिकारीले बताए ।
हाल कम्युनिस्टको कब्जामा रहेका बडामा काँग्रेसको गढ लामो समय सम्म बचाई राख्ने सङ्कल्पका साथ उनले नेतृत्व दाबी गरेका छन् । आफू कार्यसमितिमा भएकै समयमा काँग्रेसले सफलता पाएको भन्दै अधिकारीले सभापतिमा उम्मेदवारी घोषणा गरिसकेका छन् । उनले आफू नेतृत्वको लागी सम्पूर्ण हिसाबमा तयार भएकोले विकल्पबारे सोच्न नसक्ने बताए ।
नगर सभापति भई सकेकाले रामधुनीका सम्पूर्ण कार्यकर्ताको भावना बुझिसकेकाले उनको भनाई छ । यस बिचमा भातृ संस्था देखी सुवेच्छुक संस्थामा पनि समस्या देखिएको स्मरण गराउँदै उनले आफू निरन्तरको छलफल र वार्ताबाट सबैलाई चित्त बुझाएर पार्टीमा ठाउँ दिने पक्षमा रहेको बताए ।
मुख्यतः युवा जमातलाई मूलधारको राजनीतिमा ल्याउने र उचित जिम्मेवारीका साथ नेतृत्वमा पु¥याउने लक्ष्य रहेको अधिकारीको भनाई छ ।
