काठमाडौं । सामाजिक सञ्जाल बन्दको विरोधमा भइरहेको जेनजीहरूको आन्दोलनका क्रममा गम्भीर घाइते भएका थप एक व्यक्तिको सिभिल अस्पतालमा उपचारकै क्रममा निधन भएको छ।
स्वास्थ्य तथा जनसंख्या मन्त्रालयका एक स्रोतका अनुसार, उपत्यकाका विभिन्न अस्पतालमा हालसम्म १५ जनाले ज्यान गुमाएको विवरण प्राप्त भएको छ।
दिउँसो साढे ३ बजेसम्म १३ जनाको मृत्यु भइसकेकोमा पछि थप एक जनाको मृत्यु भएको हो।
मृतकमध्ये ट्रमा सेन्टरमा ७, सिभिल अस्पतालमा ३, केएमसी अस्पतालमा १, त्रिवि शिक्षण अस्पतालमा १ र एभरेष्ट अस्पतालमा ३ जनाको मृत्यु भएको पुष्टि भएको छ।
तर, घाइतेहरूको यकिन तथ्यांक भने अझै सार्वजनिक भएको छैन।
