इटहरी । जिल्ला प्रशासन कार्यालय, सुनसरीले आज दिउँसो ३;३० बजेदेखि कर्फ्यू आदेश जारी गरेको छ। आदेश अनुसार आज कुनै पनि प्रकारका सभा, जुलुस, प्रदर्शन वा आन्दोलन गर्न पूर्ण प्रतिबन्ध लगाइएको हो।
प्रशासनले कर्फ्यू तोडफोड वा उल्लङ्घन गर्नेहरूमाथि कडा कारबाही गरिने चेतावनी दिएको छ।
सार्वजनिक शान्ति र सुरक्षालाई सुनिश्चित गर्न कर्फ्यू लागू गरिएको बताउँदै, सबैलाई यस आदेशको पूर्ण पालना गर्न आग्रह गरिएको छ। यस अवधिमा कुनै अप्रिय घटना हुन नदिन सुरक्षा व्यवस्था थप कडा बनाइएको छ। आदेश अवज्ञा गर्नेहरूमाथि कानूनी प्रक्रिया अघि बढाइने समेत उल्लेख गरिएको छ।
