लण्डन । एनआरएनए यूकेको सचिव पदमा उम्मेदवारी दिएका भूपाल कार्कीले आफ्नो घोषणापत्र सार्वजनिक गरेपछि प्रवासी नेपाली समुदायमा नयाँ ऊर्जा र छलफलको वातावरण सिर्जना गरेको छ ।
उनको घोषणापत्र केवल कागजी दस्तावेज मात्र नभएर प्रवासी नेतृत्वमा सुधार, समावेशिता र पारदर्शिताको स्पष्ट खाका हो। भुपाल कार्कीको घोषणापत्र तीनवटा मूल विषयमा केन्द्रित रहेको छ ।
सदस्यता प्रणालीः सबल र सजिलो
सदस्यता शुल्कलाई £5 मा सीमित गर्दै सबका लागि पहुँचयोग्य बनाइने।
सदस्यता खारेजीका लागि स्पष्ट मापदण्ड बनाइने, अब मनोमानी निर्णयको अन्त्य हुने।
पैसा फिर्ता नीति पारदर्शी ढंगले लागू गरिने कुनै अस्पष्टता रहँदैन।
संगठनभित्र समावेशी नेतृत्व र सहभागिता
महिला, युवा, विविध पेशा र भूगोलबाट प्रतिनिधित्व सुनिश्चित गरिने।
एनआरएनएलाई “खुला र सबैका लागि साझा संस्था” बनाउने संकल्प।
निर्णय प्रक्रिया सबैको सहभागितामार्फत अगाडि बढाइने अब नेतृत्व केवल ‘गिन्तीको समूह’को हुने छैन।
नीति, ज्ञान र सहकार्यमा अग्रसरता
नेपालको संविधान र राष्ट्रिय बहसमा प्रवासीको आवाज जोड्ने पुल बन्ने योजना।
बेलायतका नेपाली संघसंस्थासँग सहकार्य गर्दै साझा परियोजनाहरू सञ्चालन गरिने।
वातावरणीय र सामाजिक मुद्दामा जिम्मेवार उपस्थिति सुनिश्चित गरिने।
कार्की भन्छन्, “हामी एनआरएनएलाई रिपोर्टिङ संस्था होइन, प्रतिनिधित्व गर्ने संस्था बनाउनेछौं। सबैको आवाज, सबैको उपस्थिति र सबैको भरोसा हुने संगठन निर्माण गर्नु आजको आवश्यकता हो।”
उनको नजरमा सचिवको भूमिका सूचना टाँस्ने काम होइन, नीति, समन्वय र संस्थागत स्थायित्व दिने नेतृत्व पनि हो।
