इटहरी । सामाजिक सञ्जालहरुमा आर्कषक तलव देखाएर बिज्ञापन गर्ने इटहरीको एक कम्पनीमा इटहरी उपमहानगरपालिकाले छापा मारेको छ ।
सामाजिक सन्जाल फेसबुकमा सहजै मासिक ५० देखि ६० हजार कमाई हुने भन्दै विज्ञापन गर्ने एम के गु्रपमा उपमहानगरले आईतवार अनुगमन गरेको हो ।
विशेष गरि पूर्वी पहाडी जिल्लाहरुबाट पढ्न आएका युवा युवतीहरुलाई लक्षित गरेर विज्ञापन गरेको भन्दै उपमहानगरका मेयर सहितको टोलिले गु्रपमा अनुगमन गरेको हो ।
कर्मचारीहरुलाई ६० हजार सम्म तलब भन्दै विज्ञापन छ्यापछ्याप्ती देखिन थाले पछि छापा मारिएको इटहरीका मेयर हेमकर्ण पौडेलले जानकारी दिएका छन् ।
छापापछि गु्रपका आधिकारिक ब्याक्ती लाइ उपमहानगरमा बोलाइएको छ । पछिल्लो समय ठगीका नयाँ–नयाँ शैली देखापरेका छन् ।
सर्वसाधरणहरु जुनसुकै बहानामा ठगिइन सक्ने भन्दै आफुहरुले कार्यालयमै गएर छापा मारेको मेयर पौडेलले बताएका छन् ।
इलाका प्रहरी कार्यालय इटहरीका डिएसपी माधब काफ्लेले सामाजिक सञ्जालमा यसरी विज्ञापन गर्न नहुने बताएका छन ।
यसरी सर्वसाधरणलाई झुक्याउने काम तत्काल रोक्न भन्दै आगमी दिनमा यस्ता विज्ञापन गरे कारवाही गरिने उनको भनाई रहेको छ ।
