रामधुनी । सुनसरीको रामधुनी नगरपालिकामा प्रथम रामधुनी महोत्सव २०८० सम्पन्न भएको १ महिना वितिसक्दापनि महोत्सवमा आवद्ध भएका व्यवसायीहरुले अझै सम्म पैषा नपाएको गुनासो गरेका छन् ।
नगरको साँस्कृतिक पहिचान, पर्यटन प्रवद्र्धन, व्यवसायिक प्रवद्र्धन, धार्मिक स्थलहरुको प्रवद्र्धन गर्ने उद्देश्ले गत जेठ १९ गतेदेखी असार ५ गते सम्म १९ दिने महोत्सव लगाएको रामधुनी युवा क्लवले पटक पटक ताकेता गर्दा पनि पैषा नदिएको भन्दै व्यवसायीहररुले गुनासो गरेका हुन् ।
क्लबका अध्यक्ष यमकाजी राईको फोन भने प्रायः अफ हुने गरेको व्यवसायीले गुनसो गरेका छन् । फोन लागेको बेलामा पनि नउठाउने कार्यले गर्दा आफुहरु मारमा परेको उनिहरुले बताए । यता क्लबका सचिव रमेश घिमिरे, संयोजक विनोद चौधरीलगायतका पदाधिकारीहरुले भने वेवास्ता गरेका छन् । उता संस्थाका सचिव घिमिरेले भने मेलाको हरहिसाब र पैसा तिर्न बाँकी रहेको भन्ने कुरा आफूलाई जानकारी नभएको बताए ।
पैसा नतिरी पदाधिकारीहरु सम्पर्कविहिन हुन थालेपछि व्यवशायीहरुले वडाध्यक्ष सम्म पुग्न आफुहरु बाध्य भएको बताएका छन् । रामधुनी नगरपालिका वडा नं. १ का वडाध्यक्षको रोहबरमा भएको छलफलका क्रममा आयोजकहरुले अर्को पटक मेला लगाएर पैसा तिर्ने बताएका थिए । ‘पहिलो पटकमै विश्वास गुमाए, अर्को पटक कुन आधारमा कारोबार गर्नु,’ एक व्यवशायीले भने, ‘तिर्ने नियत देखिएन, दुई चार हजार रुपैया लगानी गरेर व्यवशाय चलाउने हामी पीडामा पर्यौं ।’ हाम्रो दुःख कसले बुझिदिने ?
