विराटनगर । भारतीय सीमावर्ती नाका जोगवनीबाट आज(सोमबार)बाट भन्सार नतिरी कुनैपनि समान ल्याउन बन्देज लगाइएको छ । बिराटनगर महानगर सहितको पहलमा सिमावर्ती बजारबाट १ रुपैँया बराबरको सामान पनि भन्सार नतिरी ल्याउन नपाइने भएको हो ।
नेपाली बजार त्यसमाथि विराटनगर सुनसान भएको भन्दै विराटनगर महानगरपालिकाको पहलमा उद्योगी र व्यापारीले समेत दवाव दिएपछि सो निर्णय गरिएको हो ।
बजारबाट उपभोग्य वस्तुका नाममा सर्वसाधारण र व्यापारीले भन्सार नतिरी दिनहुँ करोडौं मूल्यका सामान ल्याउँदा विराटनगर बजार सुनसान व्यापारी नै पलायन हुने अवस्था आएपछि यस्तो निर्णयमा प्रशासन पुगेको बताइएको छ ।
https://www.facebook.com/100087062035040/videos/661721722142080/?__cft__[0]=AZWLgreFyi1ZUdNvVU5v-4CqkauVrPk3HV1NvMCCg0mnoi1FPV_ouJ054CtJhrO7xWxjDClw7SmcH6wlmMk_zF3Stl-m4I3NLh4kg28HJnYSjSJqtIQ3V3PPoxYT96p33nay3p6Z3rZJOl5YxB9cOQybammwgneKdlGhKC337Lz7IWeen74GkN_D9ZI64lmbTLM&__tn__=%2CO
महानगरको आग्रहमा जिल्ला प्रशासन कार्यालय मोरङ, जिल्ला प्रहरी, सशस्त्र प्रहरी, आन्तरिक राजश्व कार्यालय, व्यापार संघ, उद्योग संगठन, नेपाल उद्योग वाणिज्य महासंघ कोशी प्रदेश, विराट व्यापार संघ, उद्योग परिसंघ र विराटनगर भन्सार कार्यालयलले सामूहिक ऐक्यबद्धता जनाएका छन् ।
एकातिर बिना भन्सार सामान छिर्ने र अर्को तर्फ विराटनगर बजार सुनसान भएर स्थानीय व्यवसायी पलायन हुने क्रम बढेपछि सिमामा कडाई गर्न लागिएको विराटनगर महानगरले बताएको छ ।
