रामधुनी । सुनसरीका स्थानीय तहरुमा पशुहरुका लागि नेपाल सरकारले उपलब्ध गराएको खोरेत विरुद्धको खोपमा व्यापक अनियमितता भएको पाइएको छ ।
जिल्लामा खोप लगाउनका लागि पठाइएका व्यक्तिले फर्जि कागज समेत बनाएर पेश गरेको पाईएको हो । सुनसरीको रामधुनी नगरपालिकामा नियुक्त भएका भ्याक्सिनेटर अर्थात खोप कर्ता विक्रम धामी, आभाष भण्डारी र संगीता महथाले फर्जी कागज बनाएर पठाएका छन् ।
नेपाल सरकारले निःशुल्क रुपमा किसानका गाइभैसीलाई उपलब्ध गराएको खोरेत बिरुद्धको खोपमा समेत कमाउ धन्धा बनाएका उनिहरुले बसाइ सरेर गएका परिवारको समेत नाम लेखेर फर्जि कागज बनाएका हुन् । त्यति मात्र हैन दुइवटा खोप लगाएका ठाँउमा १२ तीन ओटा लगाएका ठाउँमा ३० बनाएर भ्याक्सिनेटरले व्यापक अनियमितता गरेको खुलेको हो ।
यहाँ वास्तविक किसान मार्कमा परिरहेका छन् । खोप कहिले आयो के आयो स्थानीयलाई जानकारी नै छैन् । तर, जब भेटेरनरी अस्पताल तथा पसु शेवा विज्ञ केन्दलाई तथ्याङक अस्वभाविक लागेपछि अनुगमन गर्दा फर्जि देखिएपछि अहिले राज्यको लाखौं झ्वाम पार्ने योजनामा ब्रेक लागेको छ ।
भिडियो हेर्नुहोस
