इटहरी । नेपाली कांग्रेस इटहरीका सचिव विक्रम घिमिरेले पार्टीबाट एकदुई जना अलग हुँदैमा कुनै फरक नपर्ने बताएका छन् । आइबार सामाजिक संजालमा उनले लेखेका छन् ‘कांग्रेस भन्न लजाउनेहरु अहिले कांग्रेस छोडेको भनेर भ्रम नछरन हौ साथी हो । एक जान्छ अर्को आउँछ यो नियमित प्रकृया नि हो ।’
सचिव घिमिरेको यो स्टाटस शनिबार मात्र रास्वपा प्रवेश गरेका कवि मनु मञ्जिल लक्षित हो । इटहरीमा रहेर लामो समयदेखि शिक्षण र साहित्यिक कर्ममा सक्रिय मन्जिललाई सो पार्टीका संघीय सांसद हरि ढकालले पार्टी प्रवेश गराएका हुन् ।
यसअघि मञ्जिलले गत स्थानीय तहको निर्वाचनमा नेपाली कांग्रेस इटहरीको चुनावी घोषणा पत्र लेखन समितिको संयोजक भएर काम समेत गरेका थिए । मञ्जिल विभिन्न राजनीतिक घटनाक्रमहरुमा स्वतन्त्र आलोचनात्मक विचार व्यक्त गर्दछन ।
