इटहरी । संखुवासभाको सभापोखरी गाउँपालिका ३ सभाखोलास्थित खोलामा डुबेर एकजनाको मृत्यु भएको छ ।
मृत्यु हुनेमा स्थानीय २० वर्षीय कुशल राई रहेका छन् । घरबाट माछा मार्न जान्छु भनेर हिँडेका उनी रातिसम्म घर फर्की नआएपछि आफन्तहरूले खोजतलास गर्ने क्रममा उनलाई आफन्तले डुबेर मृत अवस्थामा फेला पारेका थिए ।
घटनाको जानकारी पाएसँगै घटनास्थलमा प्रहरीको टोली खटिई शव पोस्टमार्टमको लागि जिल्ला अस्पताल संखुवासभा खाँदबारी पठाइएको छ ।
घटना सम्बन्धमा थप अनुसन्धान भइरहेको जिल्ला प्रहरी कार्यालय संखुवासभाले जनाएको छ ।
