इटहरी । इटहरीमा मिनी ट्रकको ठक्करबाट एक पुरुषको मृत्यु भएको छ ।
इलाका प्रहरी कार्यालय इटहरीका अनुसार इटहरी ६ स्थित पूर्व–पश्चिम राजमार्गमा सोमबार दिउँसो ४ बजेतिर पश्चिमतर्फ जाँदै गरेको बा २ क ७८६४ नम्बरको खाली मिनी ट्रकले सोही दिशातर्फ जाँदै गरेको साइकललाई ठक्कर दिएको थियो ।
ठक्करबाट साइकलयात्री इटहरी १७ बस्ने ५२ वर्षीय केशव कार्कीको मृत्यु भएको प्रहरीले जनाएको छ ।
प्रहरीका अनुसार ठक्करबाट घाइते भएका उनको उपचारको क्रममा धरानस्थित वीपी कोइराला स्वास्थ्य विज्ञान प्रतिष्ठानमा उपचारको क्रममा मृत्यु भएको हो ।
ट्रक चालक जिल्ला मकवानपुर बतैया गाउँपालिका ७ बस्ने ४० वर्षीय ज्ञानबहादुर सिङ्तानलाई प्रहरीले नियन्त्रणमा लिएको छ ।
घटनाबारे थप अनुसन्धान भईरहेको प्रहरीको भनाइ छ ।
