इटहरी । विराटनगरकी २७ वर्षीया वर्षा सुवेदी गत चैत २४ गते झुण्डिएको अवस्थामा फेला परेकि थिइन् ।
झुण्डिएको अवस्थामा फेला परेपनि उनको मृत्यू शंकास्पद देखिएको छ । श्रीमान र परिवारको मानसिक यातनाले आत्महत्या गरेको भन्दै माइती पक्षले चार जनाविरुद्ध आत्महत्या दुरुत्साहनको जाहेरी दिएका छन् ।
वर्षाकी आमा रञ्जु सुवेदीले जिल्ला प्रहरी कार्यालय मोरङमा वर्षाका श्रीमान, ससुरा, सासू र नन्दविरुद्ध जाहेरी दिएकी हुन् ।श्रीमान सुजनले वर्षालाई निरन्तर शारीरिक र मानसिक यातना दिएको उजुरीमा उल्लेख छ ।
वर्षाको अनुहार तथा शरीरमा चोटपटक र निलडाम भएको तस्वीरहरुसमेत जाहेरीमा संलग्न राखिएको छ ।अमेरिकामा बस्दै आएका सासू–ससुरा घर आएको राति नै वर्षाले आत्महत्या गरेकी हुन् ।
श्रीमानले शारीरिक र मानसिक यातना दिने गरेको छेरीले सुनाएको भएपनि सामान्व विवाद भनेर आफूहले पनि वास्ता नगर्दा घटना भएको माइती पक्षको भनाई छ ।
बाबुआमा अमेरिकाबाट फर्किएपछि सुजनले गरेको व्यवहारबारे छलफल गर्ने माइती पक्षको तयारी रहेकोमा वर्षाको शव भेटिएको रञ्जुको भनाइ छ । छोरालाई लिएर सुत्ने वर्षासँग घटना भएको राति नन्द सुजाता सुतेको पाइएको छ ।
