इटहरी । इटहरीमा स्कूल थिएटरको समापन गरिएको छ । कलालय इटहरीले सञ्चालन गरेको स्कूल थिएटरको आठौं संस्करणको समापन गरिएको हो । इटहरीको तायारिप्ची भवनमा दुई दिने नाट्य प्रदर्शनीसँगै स्कूल थिएटरको समापन गरिएको कलालय इटहरीका अध्यक्ष सोनु जयन्तीले जानकारी दिइकि छन् ।
समापन कार्यक्रमकी प्रमुख अतिथि सुनसरीकी प्रमुख जिल्ला अधिकारी हुमकला पाण्डेले नाट्य विधाले समाजको यथार्थ चित्रण बताउने निर्देशन गरिन् । उनले भनिन्, ‘नाटकले समाजको चरित्र तीतो सत्य बोल्छ,’ ‘हाम्रो पेसा फरक भएपनि भावनात्मक सम्बन्ध एउटै हुन्छ ।
’कार्यक्रममा कवि मनु मञ्जिलले बच्चालाई जे चायो, त्यही बनाउन सक्ने गतिलो माध्यम नाटक विधा रहेको बताइन् । नाटक गर् भन्दा गाह्रो हुने तर केही नभन्दा कतिपय बच्चाहरूले नाटकै मात्र गर्ने उनको तर्क छ ।
कार्यक्रममा १५ दिनसम्म कार्यशालामा सहभागी बाल कलाकारहरूले विभिन्न शीर्षकमा पाँच वटा नाटक प्रस्तुत गरेका थिए । स्कुल थिएटरमा सहभागी बालबालिकाहरूले नै नाटक निर्देशन गरेको बताइएको छ ।
