इटहरी । मोरङमा दुईजना नाबालिका बलात्कृत भएका छन् ।
मोरङ प्रहरीका प्रवक्ता डीएसपी रन्जनकुमार दाहालका अनुसार उर्लाबारी नगरपालिका र मिक्लाजुङ गाउँपालिकामा ४ र ३ वर्षीया नाबालिका बलात्कृत भएका हुन् ।
३ वर्षीया नाबालिकालाई बलात्कार गरेको आरोपमा १२ वर्षीय दाजुलाई पक्राउ गरिएको प्रहरीले जनाएको छ ।
यस्तै, ४ वर्षीय नाबालिकामाथि बलात्कार गरेको आरोपमा उनका १९ वर्षीय काकालाई प्रहरीले पक्राउ गरेको दाहालले जानकारी दिए ।
उर्लाबारी नगरपालिका ७ मा ४ वर्षकी नाबालिका शुक्रबार राति बलात्कृत भएको प्रहरीले जनाएको छ ।
मिक्लाजुङ गाउँपालिका ४ मा बिहीबार साँझ ३ वर्षीया नाबालिका बलात्कृत भएकी छन् ।
दुवै घटनामा संलग्न भएको आरोपमा पक्राउ परेकाहरूविरुद्ध जबरजस्ती करणी मुद्दामा म्याद थप गरेर अनुसन्धान भइरहेको प्रहरीले जनाएको छ ।
