इटहरी । सोलुखुम्बुमा आफ्नै शरीरमा आगो लगाएकी एक किशोरीको उपचारका क्रममा मृत्यु भएको छ ।
प्रहरीका अनुसार सोलुखुम्बुको थुलुङ दूधकोसी गाउँपालिका ५ घर भइ खुम्बु पासाङ ल्हामु गाउँपालिका २ लुक्लाका डेण्डी शेर्पाको घरमा डेरा गरेर बस्ने १६ वर्षीया सकुन्तला तामाङले केही दिनअघि आफ्नै शरीरमा आगो लगाएकी थिइन् ।
उनले २०७९ चैत २६ गते राति १०ः३० बजेतिर आफ्नै शरीरमा आगो लगाएकी हुन् ।तत्काल उद्धार गरेर उपचारका लागि हेलिकोप्टरमार्फत काठमाडौं लगिएको थियो । उपचारका क्रममा उनको मृत्यु भएको प्रहरीले जनाएको छ ।
टिचिङ अस्पतालमा पोस्टमार्टम गरेर सकुन्तलाको शवलाई परिवारको जिम्मा लगाइएको छ । घटनाबारे थप अनुसन्धान भइरहेको प्रहरीले जनाएको छ ।
