रामधुनी । सुनसरीको रामधुनी १ स्थित साई हस्पिटल प्रालिले एक विरामीको सफल शल्यक्रिया गरेको छ । इनरुवा नगरपालिका–६ मदेसाका ५२ बर्षीय मेघ बहादसुर कार्कीको दहिने हातको कुममा २ वर्ष अघि हालिएको स्टिल सफल शल्यक्रिया गरेर निकालेको होे ।
मंगलबार हाडजोर्नी विषेशज्ञ डा.रोविन श्रेष्ठ, डा. धिरज सिंह र डा. राजन राईले कार्कीको कुममा रहेको स्टिल सफल शल्यक्रिया गरेर निकालेका हुन् । शल्यक्रियामा प्रदिप चौलागाई, रोहिणी भट्टराई र रिमा चौधरीले सहयोग गरेको साई हस्पिटल प्रा.लिले जनाएको छ ।
गत चैत्र २४ गते उद्घाटन गरेर सेवा प्रदान गर्दै आएको साई हस्पिटलले पहिलो पटक कार्कीको सफल शल्यक्रिया गरेको जनाएको छ ।
धरान विराटनगर तथा अन्यन्त्र जानुपर्ने विरामीको समस्यालाई मध्यनजर गर्दै सेवा विस्तार गरेको अस्पतालले अव शल्यक्रिया गर्ने विरामी झुम्का बाहिर जान नपर्ने जनाएको छ ।
त्यस्तै अस्पतालले मंगलबारबाटै ओटी सेवा पूर्ण रुपमा सञ्चालनमा ल्याएको जनाएको छ । विरामीहरुलाई सरल र सहज रुपमा सेवा प्रदान गर्दै आएको हस्पिटलले हाल विरामीहरुलाई हेल्थ कार्ड समेत प्रदान गर्दै आएको छ ।
जुन कार्ड प्राप्त गरेका विरामीहरुले अस्पतालले प्रदान गर्ने विभिन्न सेवाहरुमा विशेष छुट प्राप्त गर्र्ने अस्पतालका सुचना अधिकारी डिल्लीराम भण्डारीले जानकारी दिए ।
