इटहरी । मोरङको सुन्दरहरैचा नगरपालिकामा औषधिको दुरुपयोग गरी लागूऔषध प्रयोगकर्तालाई विक्री वितरण गरेको पाइएपछि एक जना फार्मेसी संचालक पक्राउ गरिएको छ ।
सुन्दरहैचा नगरपालिका १२ विराटचोकमा रहेको ऐरीका मेडिकल हलका सञ्चालक मनोज खत्रीलाई औषधि दुरुपयोग गरेको आरोपमा प्रहरीले पक्राउ गरेको छ ।
औषधि व्यवस्था विभाग विराटनगर र इलाका प्रहरी कार्यालय बेलबारीले गरेको अनुगमनको क्रममा खत्रीले बिरामीले सेवन गर्ने औषधि दुरुपयोग गरेको पाइएपछि मेडिकल हल सिलबन्दी गरी उनलाई नियन्त्रणमा लिइएको थियो ।
पक्राउ परेका खत्रीले एपनाडेल, ट्रामाडोलल, ओपिडोल नामक औषधि दुरुपयोग गरी लागूऔषध प्रयोगकर्तालाई बिक्री वितरण गर्ने गरेको पाइएपछि मेडिकल हल सिलबन्दी गरी सञ्चालकलाई नियन्त्रणमा लिएको औषधि व्यवस्था विभाग विराटनगरका फार्मेसी निरीक्षक तथा सूचना अधिकारी दीपेन्द्र खड्काले जानकार दिएका छन् ।
प्रिगाभालिन, ट्रामाडोल नामको औषधी लागूऔषध प्रयोगकर्तालाई विक्री–वितरण गर्ने गरेको फेला परेको विभागल जानकारी दिएको छ ।
यी औषधी मिलाएर लागूऔषधको रूपमा सेवन गर्दछन् । क्यान्सरको समस्या भएकालाई दुखाई कम गर्न प्रयोग गरिने ट्रामाडोलले अरू औषधिसँग मिसाएर सेवन गर्दा लागूऔषधको काम गर्ने फार्मेसी निरीक्षक खड्काले बताए ।
