इटहरी । ओखलढुंगामा चालू आर्थिक वर्षको नौ महिनाको अवधिमा ४० जना फरार प्रतिवादी पक्राउ परेका छन् ।
अदालतबाट कसुर ठहर भई सजाए पाएका ४० जना फरार प्रतिवादी पक्राउ परेका हुन् । विभिन्न मुद्दामा कसुर ठहर भएका ३० पुरुष र १० जना महिला फरार अपराधीलाई जिल्ला प्रहरी कार्यालय ओखलढुगाले पक्राउ गरेको हो ।
जिल्ला प्रहरी कार्यालयका प्रमुख प्रहरी नायब उपरीक्षक दीपक बहादुर केसीले अदालतबाट कसुर ठहर भई सजाए पाएका फरार प्रतिवादी पहिचान र पक्राउ अभियान सञ्चालन गरी फरार अपराधीलाई पक्राउ गरिएको बताए ।
जिल्ला प्रहरी कार्यालयको तथ्याङ्क अनुसार अझै १४५ अपराधी फरार रहेकाले उनीहरूको खोजी कार्य भइरहेको उनले जानकारी दिए ।
