आफू खुशी शव उठाएको भन्दै गाईघाट बन्द

इटहरी । दुर्घटनालगत्तै परिवारलाई जानकारी नदिइ सुनियोजित ढंगले प्रहरीले घटनास्थलबाट शव उठाएर पोष्टमार्टका लागि लगेको भन्दै परिवारले आपत्ति छन् । उनीहरुले घटनाको सत्यतथ्य छानविन, दोषीलाई कार्वाही र उचित क्षतिपुर्ति नभएसम्म आन्दोलन जारी राख्ने बताएका छन्।
स्थानीयको आन्दोलनका कारण सदरमुकाम गाईघाट बजार बन्द रहेको छ भने लामो दुरीका सवारी साधन बैकल्पिक बाटो रोज्न बाध्य भएका छन्। आन्दोलनमा उत्रिएका स्थानीयले बिहानैदेखि चौक–चौकमा टायर बालेर सवारी आवागमन र बजार ठप्प पारेका छन्।
आन्दोलनको अवज्ञा गरेको भन्दै ट्रक, टेम्पो र बोलेरो गरी तीन वटा सवारी साधनमा तोडफोड गरेका छन्। आन्दोलन जारी रहँदा स्थानीय प्रशासन र आन्दोलनकारीबीच जिल्ला प्रहरी कार्यालय परिषरमा छलफल जारी रहे पनि हालसम्म कुनै निष्क्रिय ननिस्किएको छलफलमा सहभागी त्रियुगा नगरपालिका वडा नं १६ का वडाध्यक्ष मानबहादुर राईले बताए।