इटहरी । १ नम्बर प्रदेश प्रहरी प्रमुख प्रहरी नायव महानिरीक्षक श्याम लाल ज्ञवालीले आज जिल्ला प्रहरी कार्यालय पाँचथरको निरीक्षण भ्रमण गरेका छन् । निरीक्षण भ्रमणको क्रममा कार्यरत प्रहरी कर्मचारीहरुलाई आवश्यक निर्देशन समेत दिए ।
निर्देशनको क्रममा उनले धार्मिक स्थल, पर्यटकिय क्षेत्रहरु भएको पहाडी जिल्ला पाँचथरमा शान्ति सुरक्षा कायम राख्न प्रहरीले समय समयमा लामो तथा छोटो गस्तिहरु खटाई आम नागरिकहरुको सुरक्षार्थमा खटिन तथा अपराधिक गतिविधि, चोरी तस्करीका घटनाहरुलाई नियन्त्रण गरी नागरिकहरुलाई शान्ति सुरक्षा प्रदान गर्न निर्देशन दिए ।
बिभिन्न जनचेतना मुलक कार्यक्रमहरु संचालन गरी आम नागरीकमा सचेतना फैलाउनुका साथै सेवाग्रहीसँग समान व्यवहार गरी प्रहरी संगठनको गरिमा बढाउने कार्यमा सदैव लागि पर्न समेत निर्देशन दिए ।
