विराटनगर । नेपाली कांग्रेस प्रदेश १ संसदीय दलको निर्वाचन सम्पन्न भएको छ । शुक्रबार विहान ९ बजेबाट सुरु भएको निर्वाचन केही वेर अघि सम्पन्न भएको हो ।
नेपाली कांग्रेसको तर्फबाट प्रदेश सभा सदस्य पदमा निर्वाचित सदस्यहरुले मतदान गरेका छन् । प्रदेश १ को संसदीय दलको नेतामा केदार कार्की, उद्धव थापा र अमृत अर्यालले उम्मेदवारी दिएका थिए ।
प्रदेश १ मा नेपाली कांग्रेसको तर्फबाट २९ जना निर्वाचित भएका छन् । मतगणना केही बेरमा सुरु हुने निर्वाचन समितिका संयोजक रमेशजंग रायमाझीले बताए ।
