रामधुनी । नेपाल उद्यमशील महिला संघ सुनसरीले प्रदेशसभा सदस्य यसोदा कायस्थलाई सम्मान गरेको छ ।
बिहिबार नेपाल उद्यमशील महिला संघ सुनसरी जिल्ला र नगर समितिको संयुक्त आयोजनामा रामधुनी वाड नं. १ मा एक कार्यक्रमको आयोजना गर्दे गत मंसिर ४ गते सम्पन्न प्रतिनिधिसभा तथा प्रदेश सभा सदस्य निर्वाचनमा समानुपातिकबाट प्रदेश सभा सदस्यमा निर्वाचित यसोदा कायस्थलाई सम्मान गरेको हो ।
बधाई तथा शुभकामना कार्यक्रममा बोल्दै प्रदेशसभा सदस्य कायस्थले सुनसरी जिल्लामा भएका उद्यमी महिलाहरुको अभिभावक बन्न पाएको भन्दै खुसी व्यक्त गरिन् । उनले आफुले विगतको भन्दा थप कार्यभार लिर्दै प्रदेशसभाको सदस्य भएर प्रदेशको अभिभावकका रुपमा जिम्मेवारी पाएको भन्दै पार्टीलाई धन्यबाद समेत दिईन् । आगामी दिनमा उघमी महिलाहरुको आत्मबल बढाउदै लैजाने उनले बताईन् ।
कार्यक्रममा बोल्दै उनले नेकपा एमालेका स्वर्गिय मदन भण्डारीको जनताको बहुदलिय जनबादको शब्दले हृदय छोएपछि आफू पार्टीमा सकृय रुपमा लागिपरेको बताईन् ।महिलाहरुलाई महिलाहरुको हकहित तथा अधिकार प्रदान गर्न आफु दिनरात लागिपर्ने बताईन् ।
कायस्थ नेपाल उद्यमशील महिला संघ सुनसरी तथा महिला एकता मञ्च नेपाल, धरानको अध्यक्ष र नेपाल रेडक्रस सोसाइटी सुनसरी, विजयपुर शाखाको सभापति समेत रहेकी छिन् ।
