रामधुनी । सुनसरीको बराहक्षेत्र नगरपालिकाले प्रश्नपत्रमा त्रुटि भएको भन्दै कक्षा ७ को नेपाली विषयको परीक्षा रद्द गरेको छ ।
विद्यालयहरूले सञ्चालन गरिरहेको दोस्रो त्रैमासिक परीक्षामा सोधिएको नेपाली विषयको प्रश्नपत्रमा त्रुटि भएको सामाजिक सञ्जालमा सार्वजनिक भएपछि नगरपालिकाले परिक्षा रद्द गरेको हो ।
नगरपालिकाले एक सूचना जारी गर्दै १२ गते सञ्चालन भएको कक्षा ७ को नेपाली विषयको प्रश्नपत्र निर्माण गर्दा गम्भीर त्रुटि भएको पाइएको भन्दै सबै सामुदायिक तथा धार्मिक विद्यालयहरूको परीक्षा रद्द गरिएको शिक्षा विभागका उपसचिव देवेन्द्रबहादुर मल्लले जानकारी दिए ।
