बक्लौरी । रामधुनी नगरपालिकाको सहकार्यमा विराटनगर आँखा अस्पतालले भासी स्वास्थ्य चौकीमा आँखा तथा कानको उपचार केन्द्र स्थापना गरेको छ ।
बुधबार रामधुनी १ स्थित भासी स्वास्थ्य चौकीमा एक कार्यक्रमको आयोजना गर्दै नगरप्रमुख शंकरलाल चौधरी तथा बिराटनगर आँखा अस्पताल प्रमुख पदम नारायण चौधरीेले केन्द्रको स्थापना गरेका हुन् ।
केन्द्रबाट दैनिक विहान १० बजेदेखि बेलुकी ४ बजेसम्म आँखा तथा कानको सेवा प्राप्त गर्न सकिने छ । नगरबासीहरुको आँखा तथा कानको उपचारका लागि विराटनगर, इटहरी, धरान जाने समस्यालाई समाधान गर्न विराटनगर आँखा अस्पतालले नगरपालिका संग सहकार्य गरेर उपचार केन्द्र स्थापना गरेको रामधुनी नगरपालिकाकी उपप्रमुख ताराथापाले जानकारी दिईन् ।
रामधुनीका स्थानियहरुलाई आँखा तथा कानको उपचारकालागि धरान, विराटनगर जानुपर्ने बाध्यतालाई नगरमै सेवा दिने उद्देश्यका साथ उपचार केन्द्र स्थापना गरिएको उपप्रमुख थापाले बताइन् । केन्द्रबाट आँखाको जाँच, दृष्टिको अवस्था, कानमा देखा पेरका समस्या, शल्यक्रिया बाहेकका सेवाहरु सुचारु गरिएका उनले बताइन् ।
केन्द्र उद्घाटन कार्यक्रमलाई सम्बोधन गर्दै नगरप्रमुख शंकरलाल चौधरीले रामधुनीमा स्थापना भएको यस केन्द्रले रामधुनी वासीको आँखा र कान जाँचका लागि अन्य ठाँउमा जाने समस्या समाधान गर्ने बताए ।
केन्द्र स्थापना कार्यक्रममा नगर प्रमुख, प्रमुख प्रशासकिय अधिकृत, स्वास्थ्य शाखाका इन्चार्ज तथा कर्मचारी र रामधुनी १ का वडाध्यक्ष महेश कुमार चौधरी, लगायतको उपस्थिति रहेको थियो ।
