इटहरी । विभिन्न कारणले सडकमा जिवन बिताउँदै आएका सडक मानवको संरक्षण गर्दै आएको माया घर नेपालले ५ औँ वार्षिक साधारणसभा सम्पन्न गरेको छ । बुधवार इटहरी–२, स्थित सुकल्प सामुदायिक भवनमा एक कार्यक्रमको आयोजना गर्दै माया घर नेपालले ५ औँ वार्षिक साधारणसभा सम्पन्न गरेको हो ।
मायाघरकी संस्थापक अध्यक्ष राधिका दासीको अध्यक्षता तथा राष्ट्रिय मानव अधिकार आयोगका प्रदेश १ प्रमुख पवन भट्टको प्रमुख आतिथ्यतामा आयोजित साधारणसभा कार्यक्रमा संस्थाकी अध्यक्ष राधिका दासीले वार्षिक प्रतिवेदन प्रस्तुत गरेकी थिइन भने संस्थाकी कोषध्यक्ष लक्ष्मि बराल गौतमले आर्थीक प्रतिवेदन प्रस्तुत गरेकी थिइन ।
संस्थाले व्यवस्थित अभिलेखनको सुरुवात गरी सरोकारवालाहरु समेतको स्रोत परिचालन गरी काम गर्ने गरेको, आर्थिक प्रशासन निती निर्माण गरी कार्यन्वयनमा ल्याइएको संस्थाको प्रतिवेदनमा उल्लेख रहेको छ ।
यस्तै माया घर नेपालले स्थापना पछी हालसम्म २ हजार भन्दा बढी सडक मानवहरुको उद्धार तथा व्यवस्थापनगरि परीवारसँग पुनरमिलन गरीसकेको र हाल संस्थामा एक सय २७ जनाले आश्रय लिइरहेको संस्थाले जनाएको छ ।
कार्यक्रमका प्रमुख अतिथी राष्ट्रिय मानव अधिकार आयोग प्रदेश १, का प्रमुख पवन भट्टले पारिवारिक सम्बन्ध, मानविय व्यवहार हराउँदै गएको बताउँदै यस्तो समयमा राज्यले पनी चासो नदेखाएका कारण अझ समस्या बढ्दै गएको बताए।
संस्थाले सञ्चार क्षेत्रतर्फ सप्तकोसी टेलीभीजनका सञ्चालक तथा प्रोडक्सन प्रमुख दीपक कार्की, संस्थाकी स्वयमसेवक अनिता बस्नेत, संस्थापक उपाध्यक्ष सुमी थापा, सामाजिक क्षेत्र तर्फ हिरा आचार्य, प्रहरी प्रशासन तर्फ कुल बहादुर सुर्खेती लगायर्त विभिन्न विधाका व्यक्क्तित्वहरुलाई सम्मान पत्र सहित सम्मान गरेको छ ।
