इटहरी । थारू समुदायको महान् पर्व हो । जितिया । महिला/ आमाहरू आफ्ना सन्तानको दीर्घायु, सुख-समृद्धि र मनोकामना पूर्ण गराउन जितियाको व्रत लिन्छन् ।
किंवदन्ती अनुसार जब देवी पार्वतीले देवाधिदेव महादेवलाई सोध्छिन्-मृतभुवन (पृथ्वीलोक)मा महिलाले आफ्नो सन्तानको सफलता, समृद्धि, उन्नति आदिको लागि कुनै ब्रतको व्यवस्था छ रु उत्तरमा महादेवले सुझाएछन् जितिया । तत्पश्चात् नै शुरु भएको यो जितियाको व्रत आज पनि यस धर्तीमा थारु समुदायसँगै मिथिलाञ्चलका मधेशी, दलित लगायत तराई-मधेशमा बसोबास गर्दै आएका अन्य समुदायले पनि स्वीकार गरी मनाउँदै आइरहेका छन् ।
जितिया पर्वको अवसर पारेर असोज १ गते झुम्काको म्याजिक सिनेमा हलमा थारु समुदायको कला संस्कृति भेषभुषा र परम्परा झल्काउने थारु भाषामा निमार्ण गरिएको चलचित्र जितिया-२ को प्रिमियर शो सम्पन्न भएको छ। खासगरी जितिया पर्व नेपालको तराई क्षेत्रमा मनाइन्छ। यसको सामाजिक, धार्मिक र ऐतिहासिक महत्व समुदायका सधवा तथा विधवा महिला, आमाहरुले आ-आफ्नै व्यवहार र चलनचल्ती अनुसार श्रद्धा र भक्तिपूर्वक जितिया पर्व मनाउँदै आएका छन् ।
प्रिमियर शाे कार्यक्रमकी सभापतित्व गर्नु भएको, थारु चलचित्र संघ तथा संस्कृति भेषभुषा संरक्षण समिति कि अध्यक्ष , उक्त चलचित्रको लेखक समेत रहनुभएकि रेनु चौधरीले कार्यक्रममा बोल्दै थारु समुदायका मानिसहरूले मनाउने जितिया पर्वले एक छुट्टै पहिचान र महत्व बोकेको बताउनुभएको छ।
शुभकामना मन्तव्य दिदै कार्यक्रममा जितिया-२ का कलाकार,म्याजिक सिनेमा हलका प्रोपाईटर समेत रहनुभएका पर्शुराम चौधरी , र वडा नं ९ का अध्यक्ष धनश्याम चौधरी सहित ले राजु चौधरी निर्देशनमा थारु समुदायका कलाकारहरुको अभिनय रहेको जितिया पर्व लक्षित चलचित्र थारु भाषा संस्कृतिलाई जिवन्त बनाईराख्न यो चलचित्र निर्माण गरिएको बताउनुभयो ।
कार्यक्रको प्रमुख अतिथि रहनु भएका रामधुनी नगरपालिकाका नगरप्रमुख शङ्करलाल चौधरीले कार्यक्रममा बोल्दै थारु समुदायको बाहुल्यता रहेको तराई क्षेत्रमा निर्माण भएको चलचित्रले हामी सम्पूर्ण थारु बासीलाई आफु थारु हुनुमा गर्व भएको र बाहिरी संस्कार परम्परालाई अङ्गालेर आफ्नो संस्कृतिलाई बिसर्न नहुने र जिवन्त सम्म पनि आफ्नो संस्कृतिलाई जोगाईराख्न आवाह्वान गर्दै, सम्पुर्ण चलचित्र निर्माण टिमलाई अग्रिम शुभकामना व्यक्त गर्नुभएको छ। कार्यक्रममा नगर उपप्रमुख तारा थापा, बिभिन्न वडाका वडा अध्यक्ष थारु समुदायका कलाकारहरुको,र चलचित्र प्रेमिहरुको बाक्लो उपस्थिति रहेको थियो।
खासगरी जितिया पर्व नेपालको तराईमा मनाइन्छ । तर सीमावर्ती मुलुक भारतको बिहार, उत्तरप्रदेश, छत्तिसगढ, झारखण्ड, मध्यप्रदेशमा पनि यो पर्व मनाइन्छ । किनकि यसको सामाजिक, धार्मिक र ऐतिहासिक महत्व समुदायका सधवा तथा विधवा महिला, आमाहरुले आ-आफ्नै व्यवहार र चलनचल्ती अनुसार श्रद्धा र भक्तिपूर्वक जितिया पर्व मनाउँदै आएका छन् ।
जितिया पर्वलाई भाइबहिनीबीचको स्नेहपूर्ण मिलन पर्वको रूपमा पनि मनाइन्छ। आफन्त, कुटुम्ब र नातेदारबीचको सम्बन्ध प्रगाढ बनाउने एउटा पवित्र पर्व पनि हो। अर्को कुरा, संसारमा सिर्जना भएका वा जन्म लिएका सबै जीवनको बीचमा सम्बन्ध जोडिएको हुन्छ र कुनै एकको विनाश भएमा त्यसको असर सबैलाई पर्छ भन्ने सन्देश जितियाले दिन्छ।
