इटहरी । आफू माता भएको भन्दै इटहरीमा स्थानीयलाई बोक्सीको आरोप लगाएर ठगी गर्ने एक महिलालाई प्रहरीले पक्राउ गरेको छ ।
पक्राउ पर्नेमा इटहरी ४ कि लक्ष्मी राना मगरले रहेकी छिन् । उनले आफु माता भएको भन्दै गाउँघरका मानिसलाई बोक्सीको आरोप लगाएर ठगि गर्ने गरेको खुले संगै पक्रउ गरिएको इलाका प्रहरी कार्यालय इटहरीका प्रहरी निरीक्षक भीमबहादुर खड्काले जानकारी दिए ।
गाँउघरका मानिसलाई बोक्सीको आरोप लगाउने, कुनै परिवारको सदस्य घर बाहिर गएको बखत निजको परिवारका अन्य सदस्यलाई बाहिर भएको सदस्य बोक्सी हो, बोक्सी नझारे तपाईको मृत्यु हुनसक्छ भन्दै डर, त्रास देखाएर सुन तथा पैसा लिएको आरोपमा उनलाई पक्राउ गरिएको खड्काले जानकारी दिए ।
पीडितको उजुरीका आधारमा उनलाई घरमै रहेको मन्दिर परिसरबाट पक्राउ गरेको प्रहरीले जनाएको छ । पक्राउ परेकी मगरमाथि सोमबार सुनसरी जिल्ला अदालत बाट म्याद थप गरी आवश्यक अनुसन्धान सुरु गरिएको इटहरी प्रहरीले जनाएको छ ।
