विराटनगर । प्रदेश नं १ का आन्तरिक मामिला तथा कानूनमन्त्री केदार कार्कीले विराटनगर ११ ब्रहम्पुराका जयशङ्कर कामतको गाई गोठमा भएको आगोलागि पिडितलाई प्रदेश सरकारले राहत उपलब्ध गराउने बताएका छन् ।
मङ्गलवार आगोलागि पीडित परिवारसँग पुगेका मन्त्री कार्कीले पीडित परिवारलाई राहत उपलब्ध गराउने बताएका हुन् । सोमबार राति कामतको टिन र काठले बनेको गाई गोठमा अचानक बिजुलीको तार सर्ट भई आगोलागि भएको थियो ।
राति भएको आगोलागिले गोठ गोठमा रहेका गाई, बाख्रा समेत जल्दा लाखौँ मूल्य बराबरको क्षति भएको प्रहरीले जनाएको छ ।
