विराटनगर । वर्षाको समयमा विपत् भई हालेमा उद्धारको कार्य कसरी गर्ने भन्ने योजनाका साथ नेपाली सेनाको भैरव दल गण मोरङले विपत् पूर्व अभ्यासको कार्यक्रमको आयोजना गरेको छ । शनिवार प्रदेश नं १ का आन्तरिक मामिला तथा कानूनमन्त्री केदार कार्कीको प्रमुख अतिथ्यतामा पूर्व अभ्यास कार्यक्रमको आयोजना गरिएको हो ।
कार्यक्रममा बोल्दै प्रमुख अतिथि मन्त्री कार्कीले उद्धारका क्रममा पडितहरुलाई तत्काल राहत कसरी दिने र त्यसको व्यवस्थापन कसरी गर्ने भन्ने सम्बन्धमा नेपाली सेनाले गरेको पूर्व अभ्यासको कार्यक्रम महत्त्वपूर्ण र उपलब्धिमूलक हुने बताए ।
पूर्व अभ्यासका क्रममा अभ्यासमा खटिएका सुरक्षाकर्मीको टिमले विपत् भएकै अवस्थाको अभ्यास गरेका थिए । मन्त्री कार्कीले आफूले देखेको, सुनेको तथा पढेको भन्दा पनि आफैले महसुस गरेको सिकाई महत्त्वपूर्ण सिकाई हुने भएकाले पनि पूर्व अभ्यासको कार्यक्रम महत्त्वपूर्ण हुने बताए ।
मन्त्री कार्कीले विपत् प्रभावित क्षेत्रको नस्काङकनका साथै त्यस ठाउँका बासिन्दाहरूलाई सुरक्षित स्थानमा सार्नका लागि पनि केन्द्रित हुनुपर्नेमा जोड दिएका छन् । पूर्व अभ्यास कार्यक्रममा नेपाल प्रहरी, सशस्त्र प्रहरीका साथै रेडक्रसका प्रतिनिधिको समेत सहभागिता रहेको थियो ।
https://www.facebook.com/k.karki.k/videos/414798110525799/?__cft__[0]=AZWodr8kmAAHwolDfbA5-vWPZoJXX_X5C81ntQL7jWeVcP8IgqtJ2dd4aJab7gtuRSV37FMCBWQRlXwF5CQgMf43uYkq7sukn1ANu945dl1v9fkZVv3MLL-pdeR2Kr_7ZejnWUsAz88omYonAQjgJuWGsW7ilYaUYiKmP8qRyrNrqs7fbTQliMg8XaCdzYEUDcviErDQBE7CpxqVwPt6DDUN&__tn__=%2CO-R
