दमक। नेकपा एमालेका अध्यक्ष केपी शर्मा ओलीको गृह नगर दमकमा एमालेले अग्रता लिएको छ ।
प्रारम्भिक नतिजा अनुसार एमालेका उम्मेदवार गीता अधिकारीले १३९ मत सहित अग्रता लिएकी हुन् । गठबन्धनका उम्मेद्वार राम थापाले १२० मत प्राप्त गरेकाछन् । मत गणना दमक–१ बाट शुरु भएको छ ।
उपमेयरमा भने गठबन्धनको अग्रता लिएको छ । गठबन्धनकी रेगिना भट्टराईले १३२ मत ल्याउँदा एमाले उम्मेद्वार अम्बिका खनालले ११० मत प्राप्त गरेका छन् ।
वडाध्यक्षमा एमालेकै हरी न्यौपानेले १४१ मत सहित अग्रता लिएका छन् । गठबन्धनका तारा अधिकारीले १३२ मत प्राप्त गरेकी छिन् । अहिलेसम्म ३०० मत गणना भएको छ ।
