रामधुनी । नेकपा एमालेको तर्फबाट रामधुनी नगपालिका वडा नम्बर ५ मा वडा अध्यक्ष पदका उमेद्धार खेमराज पौडेलले आफ्नो वडामा डुवानको निकास र कारागारबाट निस्कने फोहोर पानीको उचित व्यवस्थापन गर्ने प्रतिवद्धता व्यक्त गरेका छन् ।
फलैचान्यूजसंगको संवादमा पौडेलले वडा नं ५ मा यसअधिको नेतृत्वले उल्लेख्य काम गरेकोले बाँकी रहेका कामको पूर्णता र जनताका भावनाअनुसारका काम गर्ने बताएका हुन् । अघिल्लो निर्वाचनमा पनि एमालेबाटै वडाध्यक्ष पदमा देवराज फुयाल निर्वाचित भएका थिए ।
५ नम्बर वडा विशेष गरि राजमार्गसँग जोडिएको छ । करिब २० मिटर देखि १ किलोमिटरको दुरी राजमार्ग सँग जोडिएको छ । त्यसमा तत्कालिन रुपमा २ वटा समस्याहरु रहेका छन् । नहर उत्तर पट्टी बाढीको समस्या छ । अघिल्लो नेतृत्वले निकासका निम्ति केही पहल चाई लिएको छ तर यहाँ, परेको पानी र विशेष त बक्लौरी तर्फबाट पनि वडामा प्रवेश गर्ने पानीले जलमग्न हुने वर्खामा घरहरु डुब्ने अवस्था छ ।
परेको पानी र बक्लौरी तिरबाट आएको पानी नहरमा पुर्याउनका निम्ति होम पाइप राखेर निकासको व्यवस्था गरिएको छ तर प्रर्याप्त रुपमा नालाहरुको निर्माण गरिएका छैनन् । खेरी नहर उत्तर पट्टिको भागमा पानी निकासको निम्ति तीन ठाउँमा नहरको निकास छ । ती ठाउँमा परेको पानी र बक्लौरीबाट आएको पानीलाई पुर्याउनका निम्ति नालाको व्यवस्था गर्ने उनले जनाए ।
नहर दक्षिण पट्टीको समस्याको सन्दर्भमा क्षेत्रीय कारगारबाट पानीको रुपमा निस्किने फोहोरको कारणले गर्दा त्यहाँको खेतीपाती नष्ट हुने, त्यहाँबाट निस्किएको विकर पानीले लगाइएका बालीहरु बिगौबिगाह नष्ट भइरहेको अवस्था छ । त्यसको लागि क्षेत्रीय कारगार सँग समन्वय गरी आवश्यक पर्दा प्रदेश र केन्द्रीय सरकार सँग वडाले नगरमा सिफारिस गरि नगर मार्फत पहल कदमी गरेर त्यो विकार पानीको उचित व्यवस्थापनका निम्ति, निकासका निम्ति पहल गर्ने उनले बताए ।
अघिल्लो जनप्रसितनिधिहरुले निर्माण गरेको स्वास्थ्य केन्द्रमा सेवा विस्तारका निम्ति ल्याव स्थापना गर्ने, सुत्केरी महिलाहरुको परिक्षण गर्ने र सम्भव भए सम्म प्रसुति सेवा पनि उपलब्ध गराउने सम्मको आफ्नो कार्ययोजना रहेको उनले बताए । पूर्वाधारको क्षेत्रमा अघिल्लो जनप्रतिनिधिहरुले मुख्य मुख्य सडकलाई प्राथमिकतामा राखेर काम गरे । भित्रि बाटो निर्माण हुन नसकेको अवस्था छ । अब भने आफूले भित्रि बाटोहरुमा नाला निर्माण र ग्राबेल गर्ने बताए ।
५ नं वार्डमा नेकपा एमालेले ल्याएको विद्यालय निर्माणको योजना अन्तर्ग भवन निर्माण भएको र त्यसलाई प्रत्येक वर्ष स्तरोन्नति गर्दै लैजनो उनले बताए । आफू निर्वाचित भएर आएको खण्डमा बस पार्क स्तरोन्नति गर्ने कार्यमा पहल गर्ने उनले प्रतिबद्धता जाहेर गरे ।
उनले वडावासीलाई आफूसहित मेयर उपमेयर सातै जना उम्मेदवारहरुलाई सूर्यमा मतदान गरेर विजयी गराइदिन आग्रह गरे । २०५५ सालमा अखिल नेपालको सदस्यता प्राप्त गरे पश्चात् जनता क्याम्पसमा अध्ययन गर्दैगर्दा २०५७ सालको निर्वाचनमा स्ववियु सदस्यको रुपमा काम गरेका उनी त्यसपछि २०६२ ६३ को जनआन्दोलनपछि रामधुनी नगरपालिकामा वडा नम्बर ५ को वडा कमिटीको सहसचिव हुँदै नेकपा एमालेको रामधुनी नगरपालिकाको संगठन विभाग प्रमुखको रुपमा काम गरेर अनुभवी नेताका रुपमा चिनिन्छन् । उनले आफू चुनाव जित्नेमा विश्वस्त रहेको बताउँछन् ।
