बक्लौरी । प्रहरीको गाडी तोडफोड गरेको अभियोगमा ४ जना युवा पक्राउ परेका छन् । बुधबार राती करिब १० बजेको समयमा रामधुनी नगरपालिका वार्ड नम्बर २ स्थित हसनपुरमा बा २ झ १९०५ नम्बरको प्रहरीको गाडीमा युवाहरुले तोडफोड गरेका हुन् ।
बुधबार राती पौने ८ बजेको समयमा रामधुनी नगरपालिका–८ का ४३ बर्षीय धुर्व कुमार चौधरी सवार को १७ प ३२४५ नम्बरको मोटरसाईकल आफै अनियन्त्रीत भई रामधुनी–२ हसनपुर स्थित नहरको पुलबाट एक्कासी नहरमा खस्दा मोटरसाईकल तथा चालक बेपता भएका थिए ।
चौधरी बेपता भएको खवर पाउना साथ घटना स्थलमा पुगेको प्रहरीमाथि त्यहाँका स्थानियहरुले ढुंगा मुडा प्रहार गर्दै प्रहरीको गाडीको चावी खोस्नुको गाडी तोडफोड गरेका हुन् ।
सिँचाइलाई खवर गरेर नहरको पानि बन्द गरेर चौधरीलाई खोजि गरेको प्रहरीले खोजतलासको क्रममा साँढे ९ बजे मोटरसाईकल सहित चालकलाई मृत अवस्थामा फेला पारेको थियो । शव निकाल्ना साथ प्रहरीले पानि बन्द गर्न ढिलाई गरेको भन्दै आक्रोशमा उत्रिएका स्थानियले प्रहरी माथि आक्रमण गरेका थिए । आक्रोशित स्थानियले प्रहार गरेको ढुंगामुढाबाट गाडीको सिसा फुटेको र केही प्रहरीलाई चोटपटक समेत लागेको इलाका प्रहरी कार्यालय पकलीले जनाएको छ ।
मृत फेला परेका चौधरीको कानूनी प्रकृया पुरा गरी शव पोष्टमार्टमका लागी धरानको बि.पी.कोईरालका स्वास्थ्य बिज्ञान प्रतिष्ठान पठाएको प्रहरीले जनाएको छ ।
पक्राउ भएका ४ जना माथि अनुसन्धान भइरहेको इलाका प्रहरी कार्यालय पकलीका प्रमुख प्रहरी निरीक्षक राविन्द्र थापाले जानकारी दिए । पक्रउ परेकाहरुको नाम भने प्रहरीले खुलाएको छैन ।
