रामधुनी । इटहरी उपमहानगरपालिकाले अटिजम भएका वालवालिका अध्यन गर्ने भिन्न प्रतिभा वालवालिका हेरचाह समूहलाई ५ लाख मूल्य वरावरका विभिन्न समाग्री प्रदान गरेको छ ।
शुक्रबार नगर प्रमुख द्वारिकलाल चौधरी, उपप्रमुख लक्ष्मी गौतम र प्रमुख प्रशासकीय अघिकृत रामचरित्र मेहताले विभिन्न ३७ प्रकारका समाग्री भिन्न प्रतिभा वालवालिका हेरचाह समूह इटहरी ९ का अध्यक्ष टंक कुमार श्रेष्ठलाई सामाग्री हस्तान्तरण गरेका हुन् । सामाग्रीहरुमा सुत्ने वेड, हिवल चेयर, खेल्ने समाग्रीहरु, साइकल, एक्सरसाइज गर्ने समाग्रीहरु, कुर्सी, किताव लगायत रहेका छन् ।
इटहरी उपमहानगरपालिकामा संचालित अपांगता रोकथाम तथा पूर्नस्थापना कार्यक्रम अन्र्तगत ती समाग्रीहरु प्रदान गरिएको उपप्रमुख लक्ष्मी गौतमले बताइन् । उपमहानगरपालिकाले विभिन्न अत्यावशकीय समाग्री प्रदान गरेकोमा समूहका अध्यक्ष श्रेष्ठले खुशी ब्यक्त गरे । अटिजम भएका वालवालिकाका अविभावकले संचालन गरेको सो अध्यन समूहमा २२ जना वालवालिका अध्यनरत रहेका छन् ।
