बक्लाैरी । सुनसरी क्षेत्र नं. १ बाट निर्वाचित संघिय सांसद जय कुमार राईले सामधुनी ७ मा निर्माण भएका दुइवटा पुल र सडको उद्घाटन गरेका छन् ।
स्थानिय पूर्वाधार विकास साझेदारी कार्यक्रमबाट ३० लाख र जनस्तरबाट ६ लाख लागतमा निर्माण गरिएको कजरा पुल शुक्रबार सांसद राइले उद्घाटन गरेका हुन् ।
त्यस्तै राईले र स्थानिय पूर्वाधार विकास साझेदारी कार्यक्रमबाट १४ लाख र जनस्तरबाट २ लाख ८० हजार लागतमा निर्माण गरिएको ५०० मिटर सडक र पुलको उद्घाटन गरेका छन् ।
पुल शिलान्यस कार्यक्रममा बोल्दै कजार पुल निर्माण समितिका अध्यक्ष राम प्रसाद पौडेलले तरहरा– चतारा सडक खण्ड निर्माणको क्षेत्रमा नेताहरुले आश्वासन मात्र दिएको बताए । उनले पुर्व मुख्यमन्त्री शेरधन राई र भिम आचार्यले रामधुनी–७ मा आउँदा सडक निर्माणमा प्रदेश सरकाले सहयोग गर्ने भनेर आश्वासन मात्र दिएको बताए ।
पौडेलले अन्य नगरपालिकामा भित्रि खेतवारीमा जाने सडकहरु कालोपत्रे भएको भन्दै तर रामधुनीमा सडक नापेर झुक्याउने काम मात्र भएको मन्दै गुनासो गरेका थिए ।
