बक्लौरी । रामधुनी नगरपालिकाले वार्ड नम्बर ६ वडा कार्यालयमा कार्यरत वडा सचिव नन्द कुमार श्रेष्ठको निधनमा शोक विदा दिने निर्णय गरेको छ ।
शुक्रबार नगरपालिकामा बसेको नगरकार्यपालिकाको बैठकले श्रेष्ठको निधनमा आइतवार शोक विदा दिने निर्णय गरेको हो ।
‘श्रेष्ठको असामयिक निधनमा शोक मनाउन चैत्र २० गते नगरपालिका र नगर मातहतका कार्यालयहरु शोक विदाको रुपमा बन्द रहने,’ निर्णयमा उल्लेख छ ।
बुधवार निधन भएका श्रेष्ठको विदेशबाट छोरी आएपछि शनिवार अन्त्येष्टि गरिने भएको छ। २०५४ सालमा सविकको बक्लौरी गाविसमा साहायक कर्मचारीको रुपमा सरकारी सेवामा प्रवेश गरेका श्रेष्ठ नगरपालिका भएसँगै वार्ड नम्बर ६ काे वडाकायार्लयमा वडा सचिवको रुपमा कार्य गर्दै आएका थिए ।
गत बुधबार विहान करिब १०ः४० बजे वडाकार्यालय जाने क्रममा रामधुनी–६ आदर्श टोल स्थित भित्रि सडकमा मोटरसाइकल अनियन्त्रित भई दुर्घटना हुँदा वडा सचिव श्रेष्ठको मृत्यु भएको थियो।
