सुनसरी । सर्लाहीमा कार दुर्घटना हुदा एक जनाको मृत्यु भएको छ भने कारमा सवार ५ जना घाईते भएका छन् । मृत्यु हुनेमा धनुषा २ का २२ वर्षी नवीन यादव रहेका छन् ।
हिजो बुधबार राति लालबन्दी नगरपालिका १७ कालिनजोर पुलनजिक महे्रन्द्र राजमार्गमा पश्चिमबाट पुर्वतर्फ आउदै गरेको बि आर ०६ बि एम १५३७ नम्बरको भारतिय कार अनियन्त्रित भई दुर्घटना भएको प्रहरीले बताएको छ ।
दुर्घटनामा कारका चालक गम्भीर घाईते भएका यादवको उपचारको क्रममा स्थानीय गढीमाई अस्पतालमा मृत्यु भएको जिल्ला प्रहरी कार्यालय सर्लाहीले जानकारी दिएको छ ।घाइते भएका सबै सोही स्थानका रहेको र उनीहरुको लालबन्दी स्थित गढीमाई अस्पतालमा उपचार भइरहेको प्रहरीले बताएको छ ।
