काठमाडौ । लगातार ओरालो लागेको शेयर बजार बुधबार एकाएक दोहोरो अंकले सुधार भएको छ ।
उतार चढावबीच बजार परिसूचक नेप्से ४० अंकले उकालो लागेर २५ सय ६८ पुगेको छ । सबै समूहमा हरियाली छाउँदा कारोबार पनि मंगलबार को तुलनामा सामान्य सुधारिएर सवा २ अर्ब पुगेको छ । बीमा समूहमा सबै भन्दा उच्च २ सय अंक हाराहारीको बृद्धि आएको छ ।
विकास बैंक समूह पनि डेढ सय अंक बरारबरले उकालो लागेको छ । अरु पनि अधिकांश जसो समूह दोहोरो अंकले सकारात्मक रहेका छन । बुधबार नेपाल स्टक एक्सचेन्जमा २ सय ३२ कम्पनीको ४५ लाख कित्ता शेयर २ अर्ब २५ करोडमा किनबेच भएको एक्सचेन्जले जनाएको छ ।
बुधबार १ सय ७८ कम्पनीका लगानीकर्ताले कमाउँदा १३ अंकले गुमाएर भने ४ कम्पनीको मूल्य स्थिर रहेको पनि नेप्सेले जनाएको छ ।
बुधबार पनि इमर्जिङ नेपाल, राष्ट्र उत्थान लघुवित्त, नेष्डो समृद्ध लघुवित्त वित्तीय संस्थाका लगानीकर्ताले सबैभन्दा उच्च दरमा कमाएका छन।
