सुन्दरहरैंचा । प्रदेश १ का आन्तरिक मामिला तथा कनूनमन्त्री एवं नेपाली काँग्रेसका युवा नेता केदार कार्कीले एमसीसीबारे धेरै बोल्न आवश्यक नै नरहेको बताएका छन् । नेपाली काँग्रेसको चुनाव विशेष ‘घरघर जाँउ, काँग्रेस जिताऊँ’ अभियानको मोरङ क्षेत्र नं ६ प्रदेश क र ख ले आयोजना गरेको छुट्टाछुट्टै कार्यक्रममा बोल्दै नेता कार्कीले अरूले गरेको देख्न नसक्नेले एमसीसीको विरोध गरिरहेको बताए ।
‘कम्युनिस्ट भनेका अरूले गरेको देख्न नसक्ने हुन् । गिरिजाप्रसाद कोइरालाले सम्झौता गरेको अरुण तेस्रोको माधव नेपालहरूले विरोध नगरेको भए अहिले बिजुलीको अभाव हुने थिएन । अहिले बिजुलीमा दैनिक घाटा व्ययोर्नु परिरहेको छ । उनले भने, त्यस कारण एमसीसीमा पनि दैध चरित्र देखियो । अघिल्लो दिनसम्म एमसीसी पास भए मर्ने वा मार्ने बताउने माधव प्रचण्डहरू भोलिपल्ट पास गर्ने भए। त्यसमाथि त केपी ओली, भाले न पोथी ।’
उनले काँग्रेस राष्ट्रिय तथा अन्तर्राष्ट्रिय मुद्दामा एक हुने बताए । ‘हामीमा पार्टीभित्र प्रतिस्पर्धा हुन्छ । हारजित हुन्छ, तर हामी राष्ट्रिय तथा अन्तर्राष्ट्रिय मुद्दामा एक हुन्छौँ, उनले भने देशलाई निकास दिने पार्टी काँग्रेस नै हो ।’
उनले अव चुनावमा सबै एकजुट हुनुपर्ने बताए । महाधिवेशनमा हारेकाले जितेकालाई समेट्नुपर्ने उनले बताए । ‘केन्द्रमा सभापति शेरबहादुर देउवाले पार्टीलाई एकजुट बनाए चुनावमा गठबन्धन गर्नै पर्दैन, उनले भने, हामीले जितेका ठाउँमा हामीले सङ्गठनलाई एकजुट बनाउनुपर्छ ।’
भिडियो
https://www.facebook.com/falaichanews/videos/384807080171356/?__cft__[0]=AZXs483mmO_TxaoOTBiv_ZCbawGTenucPMzY1E6r0hlBi_WKbsSpSiC7O4hl_wMXguIYL3ZO1s3IOCo9mtZEuoLjYeyl2t8-jC56W7Gy0J-HWNG9pDQ66SPzRD8FwjJVVmuiEJ-8Eb0OtQhZYL_jIWMuNEy8i3OOPB_bsmaFWTP3vQ&__tn__=%2CO-R
