बराहक्षेत्र । सप्तकोशी नदीमा पौडी खेल्ने क्रममा डुबेर एक जनाको मृत्यु भएको छ ।
मृत्यु हुनेमा बराहक्षेत्र नगरपालिका ६ का १८ बर्षीय प्रेम कुमार पाण्डे रहेका छन् । गत चैत्र ४ गते दिउँसो साँढे ३ बजे नदीमा पौडी खेल्ने क्रममा अचानक डुबेर बेपत्ता भएका पाण्डेको खोजतलास गर्ने क्रममा आइतबार दिउँसो साँढे २ बजे डुबेको स्थान भन्दा करिव ६ किलोमिटर दक्षिणमा मृत अवस्थामा शव फेला परेको ईलाका प्रहरी कार्यालय महेन्द्रनगरले जनाएको छ ।
