विराटनगर । प्रदेश नम्बर १ का आन्तरिक मामिला तथा कानूनमन्त्री केदार कार्कीले महिलाहरुले अधिकार मागेर हैन लडेर लिनुपर्ने बताउनुभएको छ । इस्लामी संघ नेपाल प्रदेश १ ले विराटनगरमा आयोजना गरेको ‘राष्ट्रव्यापी महिला अधिकार अभियान’ समापन समाहरोहमा बोल्दै उहाले एस्तो बताउनुभएको हो ।
महिलाले पुरुषको भन्दा ज्यादा काम गर्ने भएकाले महिला अधिकार पनि सोही अनुसार स्थापित हुनुपर्नेमा उहाको जोड छ । ‘पहिले त श्रमको सम्मान गर्न सिक्नुपर्छ, उहाले भन्नुभयो विकसित मुलुकमा श्रमको सम्मान हुन्छ । कुन काम महिलाले गर्यो कुन पुरुषले गर्यो भन्ने हुन्न । केवल मान्छेले गर्यो भन्ने हुन्छ । यहाँ चै अझैपनि यो काम महिलाको यो पुरुषको भनेर छुट्याइन्छ । त्यसकारण यस्तो सोच त्याग्नुपर्यो ।’
बिद्रोह गरेर भएपनि अधिकार स्थापित गरेर इतिहास बनाउनुपर्ने उहाले बताउनुभयो । ‘आफ्ना लागि गर्नेले स्वार्थ पूरा गर्छ तर अरुकोलागि लड्नेले इतिहास स्थापित गर्दछ । उहाँले भन्नुभयो ।’
२० फाल्गुनदेखि सुरु भएको देखि सुरु भएको अभियानमा मस्जिद, मदरसा तथा स्कुलहरुमा महिलाको हक अधिकारमाथी छ्लफल, बालबालिकाका लागि सुनसरी, मोरङ, झापा र उदयपुरमा शिक्षा सम्बन्धी चेतनामूलक जनकारी तथा अन्तरक्रिया गरेको इस्लामी संघ नेपाल प्रदेश १ संचालक समितिका सदस्य महमद हसन मियाले जानकारी दिनुभयो ।
