विराटनगर। मोरङको जहदा स्थित लोहन्द्रा खोलामा डुबेर एक जनाको मृत्यु भएको छ ।
मृत्यु हुनेमा जहदा गाउँपालिका–४ का सम्भु यादवको छोरा १८ बर्षीय उपेन्द्र यादव रहेका छन् । आइतबार दिउसो २ बजे माछा मार्न गएका यादव पानीमा डुबेको अवस्थामा स्थानीयले भेटेका थिए ।
पानिमा डुवेर घाइते भएका यादवलाई उपचारकोलागी कोशी अस्पताल लगिएकोमा उपचारको क्रममा दिउँसो ३ बजे मृत्यु भएको जिल्ला प्रहरी कार्यालय मोरङले जनाएको छ ।
