धरान । सुनसरीकाे धरानकी संचारकर्मी तथा विभिन्न व्यवसायमा आवद्ध सुनिता केसी घरमै मृत अवस्थामा भेटिएकी छन् ।
सञ्चार क्षेत्र र विभिन्न सङ्घसंस्थामा आबद्ध रहेकी धरान–१५ पुष्पलाल मार्गकी सुनिता केसी आइतबार दिउसो घरमै मृत अवस्थामा भेटिएकी हुन् ।
पेट्रोलियम डिलर एसोसिएसनकी केन्द्रीय सदस्यसमेत रहेकी केसी घरको पङ्खामा झुन्डिएको अवस्थामा भेटिएको प्रहरीले जनाएको छ । उनी नेपाल पत्रकार महासङ्घ सुनसरीको साधारण सदस्य, क्लिक धरान डटकमकी प्रर्बन्ध निर्देशक, महिला सञ्जाल धरान नगरकी सदस्य, इलाका प्रहरी कार्यालय धरानमा निर्माणाधीन हिरासत भवनको कोषाध्यक्ष र आसरा सुधार केन्द्रकी सदस्य पनि हुन् ।
मृत्युको कारण भने खुल्न नसकेको इलाका प्रहरी कार्यालय धरानका प्रमुख डिएसपी नरेन्द्र कुँवरले जानकारी दिए ।घटनाको विषयमा थप अनुसन्धान भइरहेको इलाका प्रहरी कार्यालय धरानले जनाएको छ ।
