धरान । प्रेस सेन्टर नेपाल धरान उपमहानगर कमिटिको अध्यक्षमा बिनोद विश्वकर्मा चयन भएकाछन ।
बुधवार धरान १२ स्थित होटल पुर्वी स्टारमा सम्पन्न तेश्रो धरान उपमहानगर सम्मेलनले १३ सदस्यीय नयाँ कमिटी चयन गरेसँगै विश्वकर्मा अध्यक्षमा चयन भएका हुन् ।
प्रेस सेन्टर नेपाल सुनसरी का अध्यक्ष तिर्थ कार्कीको अध्यक्षता र नेपाल पत्रकार महासंघ सुनसरी अध्यक्ष तथा प्रेस सेन्टर नेपाल केन्द्रिय सदस्य जनकॠषि राईको प्रमुख आतिथ्यमा सम्पन्न कार्यक्रमले बिनोद विश्वकर्माको अध्यक्षतामा १३ सदस्यीय समिती गठन गरेको हो ।
समितीमा क्रमश अध्यक्ष बिनोद विश्वकर्मा , उपाध्यक्ष नमिता राई ,सचिव स्वर्ण सम्वाहाम्फे , कोष अध्यक्ष, अंकित ढुंगाना ,सदस्यहरु ,निलेस बिष्ट , अनिस बस्नेत , लक्ष्मी कार्की , मनिषा विश्वकर्मा , दिपन विश्वकर्मा , मनिषा ढुङ्गाना , सौरभ गदाइली , निरु लिम्बु , दुर्गा खाती रहेकाछन । निर्वाचित समितको नामलाई केन्द्रिय सदस्य केशव घिमिरेले प्रस्ताव गरेका थिए । सर्वसम्मत चयन् भएकाहरुलाई कमिटिका केन्द्रिय सदस्य राजन केडिले सपथ ग्रहण गराए ।
कार्यक्रममा प्रेस सेन्टर नेपालका केन्द्रिय सदस्यहरु केशव घिमिरे , अर्जुन शर्मा , श्री शिसा राई , राजन केडी ,रिता मोक्तान ,प्रदेश सदस्यहरु ,सञ्जय याख्खा , गोविन्द बस्नेत ,रश्मी प्रधान ,जिल्ला समन्वय समितिका सम्पूर्ण पदाधिकारीहरु र प्रेस चौतारी नेपालका उपाध्यक्ष बिकास चाम्लिङ लगायत नेकपा माओवादी केन्द्रका जिम्मेवार नेताहरुको उपस्थित रहेको थियो ।
नेकपा माओवादी केन्द्रका प्रदेश सदस्य मुक्सहाङ्ग मेन्याङ्बो , अईन्द्र विक्रम बेघा ,पूर्ण भुजेल चिन्तन , चोत्लुङ ,महिला सन्जाल धरानकी अध्यक्ष चेतना श्रेयङ लगायत धरानका २० ओटै वडाका पार्टी अध्यक्षहरुको उपस्थित रहेको थियो । कार्यक्रममा अतिथी हरुले मन्तव्य राखेका थिए । कार्यक्रमका प्रमुख अतिथी जनकॠषि राईले शुभकामना व्यक्त गरे । राईले प्रेस सेन्टरले सुनसरीमा एउटा इतिहास रचेको भन्दै चर्चा समेत गरेका थिए । उनले , सेन्टरले सुनसरीमा चार कार्यकाल नेतृत्व गरेको स्मरण गर्दै , अब को नयाँ कमिटिले पनि नयाँ नयाँ योजना अघिसारेर अगाडी बढ्न आग्रह गरेका छन् ।
मन्तव्यका क्रममा प्रदेश सदस्य अईन्द्र विक्रम बेघाले अहिले देशमा भएको प्राप्ती माओवादी आन्दोलन को उपलब्धी भएकोले , अबका पत्रकारहरुले माओवादीले गरेका कामहरु कलमद्धारा बाहिर ल्याउन आग्रह गरेका छन् । अर्का बक्ता मुक्साहाङ मेन्याङ्बोले माओवादी आन्दोलन देखी जनाआन्दोलन सफल बन्न पत्रकारको कलम को ठुलो भूमिका भएकोले , अहिले पनि सकृय भएर निर्धक्क भएर पत्रकारिता गर्नु अहिलेको आवश्यकता रहेको बताए ।
कार्यक्रमका सभापति प्रेस सेन्टर नेपाल सुनसरी अध्यक्ष तिर्थ कार्किले कार्यक्रम सफलता का साथ सम्पन्न भएकोमा सबैलाई धन्यवाद दिएका थिए । उनले सुनसरी भरिका पालिकाहरुमा सेन्टर गठन गर्नेकाम धरानबाट सुरु भएको बताए । प्रेस सेन्टर सुनसरीले गठन भएको केही महिनामै आधारभुत पत्रकारिता तालिम आयोजना गरेको साथै सेन्टरको स्थापना दिवसको अवसरमा सामाजिक काममा लागिपरेको चर्चा गर्दै नव गठित समितिलाई बधाई तथा शुभकामना व्यक्त गरे
