इटहरी । सुनसरी पौष १८ गते– सुनसरी जिल्ला स्तरिय ए डिभिजन लिग फुटबल अन्तर्गत आइतबार भएको खेलमा धरान फुटबल क्लब र राष्टिय जागृती क्लबले जित हात पारेका छन ।
इटहरी स्थित क्षेत्रिय रंगशालामा आइतबार सम्पन्न पहिलो खेलमा धरान फुटबल क्लबले धरानकै टेम्के क्लबलाई २–० गोल अन्तरले पराजित गरेको छ । धरानको जितमा रिवश मास्के र सुगास जीमीले एक–एक गोल गरे । मास्केले खेलको १३ औ र जिमीले ३१ औ मिनेटमा गोल गरेका हुन । उक्त खेलको म्यानअफ द म्याच बिजयी टिम धरान फुटबल क्लबका सुगास जीमी घोषिता भए । उनले नगद नगद १ हजार ५ सय पुरस्कार पाए
आइतबार नै सम्पन्न दोस्रो खेलमा राष्टिय जागृती क्लबले इटहरी फुटबल क्लबलाई ३–० गोल अन्तरले पराजित गरेको छ । उसका लागि अनिष चौधरी, स्मित तामांग र समिट कुमार चौधरीले एक–एक गोल गरे । अनिषले दोस्रो हाफको १४ औं, स्मितले ३३ औं र समिटले ३७ औं मिनेटमा गोल गरेका थिए । सो खेलको म्यान अफ द म्याच समिट कुमार चौधरी घोषित भए । उनले पनि नगद १ हजार ५ सय पुरस्कार पाए ।
भोली सोमबारको पहिलो खेल गोल्डेनस्टार क्लब दुहबी र गोधुली क्लब धरान बिच हुदा दोस्रो खेल एलेभेन एरो क्लब दुहबी र न्यु स्टार क्लब बराहक्षेत्र बिच हुने आयोजकले जनाएको छ । अखिल नेपाल फुटबल संघ एन्फा सुनसरीको आयोजनामा सुरु भएको लिग पौष २५ गते सम्म चल्नेछ । लिगमा सुनसरीका आठ टिमको सहभागिता रहेको छ ।
