काठमाडौं । नेपाल टेलिकमले सजिलो अनलिमिटेड प्याक सार्वजनिक गरेको छ । कम्पनीले एसएमएस र कल समेत रहेको डेटा प्याक सार्वजनिक गरेको हो ।
यो प्याकेज अन्तर्गत टेलिकमका सिम प्रयोगकर्ताले ९ सय ९९ रुपैयाँमा ३० दिनसम्म दैनिक २ जीबी डेटा र नेपाल टेलिकमका कुनै पनि जीएसएम, ल्यान्डलाइन र सीडीएमए नम्बरमा अनलिमिटेड कल गर्न सकिनेछ । त्यस्तै कम्पनीको नेटवर्कभित्र ४०० एसएमएस समेत पठाउन सकिनेछ ।
अन्य नेटवर्कमा १ सय मिनेट कल र २ सय वटा एसएमएस पठाउन सकिने कम्पनीले जनाएको छ । *1415*2*2*4# डायल गरेर तथा नेपाल टेलिकमको एप प्रयोग गरेर यो प्याकेज खरिद गर्न सकिने टेलिकमले जनाएको छ ।
