रामधुनी । नेपाली कांग्रेसको जारी १४ औँ महाधिवेशन अन्तरगत प्रदेश अधिवेशनको तयारी सुरु भएको छ । प्रदेश अधिवेशनमा उम्मेदवारले आ–आफ्नो प्रचार सामाजिक सञ्जाल अगाडि बढाएका छन् । मंसिर १६ र १७ गते हुने प्रदेश अधिवेशनको तयारी तीव्र रूपमा अगाडि बढेको छ ।
उम्मेदवारहरूले आ–आफ्नो दाबी पेस गर्न थालेका छन् । सोही अन्तरगत गत १० गते नेपाली कांग्रेस प्रदेश नम्बर एकका संसदीय दलका नेता राजीव कोइरालाले बलियो बनाउन आफूले उम्मेद्वारी दिएको बताउँदै मंगलबार सामाजिक सञ्जाल मार्फत उक्त उम्मेद्वारी रहेको पुनः दोहोर्याएका छन् ।
प्रदेश सरकारको सबैभन्दा ठुलो दलका युवा नेता कोइराला मुख्यमन्त्री बन्नबाट वञ्चित भएका थिए । संस्थापन लाइनको नभएकै कारण मुख्यमन्त्री बन्न नपाएका उनीले प्रदेश सभापतिमा संस्थापन इतर समूहबाट उम्मेदवारी घोषण गरेको सामाजिक सञ्जालबाट बताएका हुन् । नेपाली कांग्रेसलाई बलियो र अब हुन लागेको निर्वाचनमा प्रदेश १ का सबै स्थानमा जित सुनिश्चित गर्नका लागी आफूले उम्मेदवारी घोषण गरेकाले सबै नेता तथा कार्यकर्ताहरूमा आलुलाई सहयोग गर्न समेत आग्रह गरेका छन् ।
एक नम्बर प्रदेशकामा कांग्रेसलाई बलियो बनाउनुका साथै ‘प्रदेशको सशक्तीकरण र लोकतान्त्रिक पद्धतिको सुदृढीकरणका लागी आफूले उम्मेदवारी घोषण गरेको बताएका छन् ।दुई कार्यकाल सुनसरी जिल्ला सभापति भएको र सुनसरीका ३ वटा प्रतिनिधिसभामा कांग्रेसलाई विजयी गराएका आफू सफल भएको समेत उनले बताए ।
कोइराला सँगै प्रदेश नम्बर १ को सभापतिका लागी राजीव कोइराला , गुरुराज घिमिरे, अमृत अर्याल, रामहरि खतिवडा, भीष्मराज आङदेम्बे, उद्धव खड्का र सुधीर सिवाकोटी उम्मेदवारी दिने चर्चा चलिरहेको छ । राजीव कोइराला हाल प्रदेश महाधिवेशन आयोजक समितिको प्रचारप्रसार विभाग प्रमुख हुन् ।
