इटहरी । सुनचाँदी बजारमा आज सुनको मूल्य घटेको छ । हिजो प्रतितोला ९३ हजार ९०० रुपैयाँमा कारोबार भएको सुन आज प्रतितोला एक हजार ६०० ले घटेर प्रतितोला ९२ हजार ३०० तोकिएको छ ।
नेपाल सुनचाँदी व्यवसायी महासङ्घले सार्वजनिक गरेको विवरणअनुसार तेजाबी सुनको आजको मूल्य प्रतितोला ९१ हजार ८०० कायम भएकोमा हिजो प्रतितोला ९३ हजार ४०० पुगेको थियो ।
त्यस्तै आज चाँदीको मूल्य प्रतितोला १५ रुपैयाँले घटेर एक हजार २ सय ५५ तोकिएको महासङ्घले जनाएको छ ।
