रामधुनी । आन्तरिक राजश्व कार्यालय इटहरीले कर सप्ताह अन्तरगत सुनसरीका कर सहयोगीहरु संघ अन्तरकृया गरेको छ । गत मंसिर १ गते उद्योग वाणिज्य संघ इटहरीमा एक कार्यक्रम गरि सचेतनामुलक र्यालीसहित कर सप्ताह सुरुवात गरेको कार्यालयले प्रत्येक दिन विभिन्न कार्यक्रम गर्दै आएको छ ।
आइतबार कार्यालयले इटहरी, धरान, दुहवी, इनरुवा लगायत ठाउँमा कार्यरत कर सहयोगीहरुसँग पछिल्लो पटक संशोधन भएका कर सम्बन्धि विषयमा छलफल गरेको कार्यालय प्रमुख शान्तिराम निरौलाले जानकारी दिए ।
कार्यक्रममा पछिल्लो पटक व्यवस्था गरिएका नियमहरु बारे कर सहयोगीहरुलाई जानकारी दिईएको उनले बताए । सरकारले यसपटक धेरै शिर्षकमा कर छुट व्यवस्था गरेको भन्दै सम्बन्धि विषयमा व्यवसायीहरुलाई जानकारी गराउन समेत आग्रह गरे ।
साना करदातालाई मिसम्याच फरक परेको अवसथमा ७५ प्रतिशत सम्म जरिवाना लगायतका शुल्क लाग्नेमा १ दशमलव ५ प्रतिशत कायम गरिएको तथा कोरोनाका कारण साना व्यवसायीलाई करमा ९० प्रतिशतसम्म छुट गरिएकाले त्यसबाट लाभलिन उनले व्यवासयीलाई उत्प्रेरित गर्नुपर्नेमा जोड दिए ।
यसैगरि यसअघि भ्याटमा दर्ता भएका व्यवसायीले मात्र खरिद विक्री खाता राख्नु पर्नेमा अबदेखि प्यानमा भएकाले समेत खरिद विक्रिी खाता राख्नुपर्ने भन्दै अन्यथा जरिवाना लाग्नेतर्फ सचेत गराउन पनि उनले आग्रह गरेका छन् ।
https://www.youtube.com/watch?v=MHr0bS98KhY&t=781s
कर सप्ताह अन्तरगत कर्मचारीहरुबीच व्याडमिन्टन प्रतियोगिता, रक्तदान, वृद्धाश्रमममा खाद्यान्न वितरण, प्रभातफेरी गर्नुका साथै आगमी मंशिर ७ गते समापन कार्यक्रममा करदाताहरुलाई सम्ममान गर्ने कार्यक्रम रहेको कार्यालय प्रमुख निरौलाले जानकारी दिए ।
